ح- بند المحاره
1- تحديد قيمه اسعار المصنعيات في البند بيكون ليه عده عوامل منها ( مواعيد العمل الخاصه بالمكان ودا بيأثر علي معدل الانتاج – المواصفات الفنيه المطلوبه مثل المحاره تأكيس وتربيع ولا تربيع فقط – طريقه التشغيل مثل زياده اعداد الصنايعيه ) مثال توضيحي ( يعني ممكن نفس صنايعي المحاره يعمل متر المحاره في مكان ب 30جنيه ومكان تاني ب 80 جنيه )
2-سعر متر المحاره داخل اي كمبوند بيكون اعلي من خارج الكمبوند لانه مواعيد العمل من الساعه 9 ل 4 ومعدل الفرد قليل والانتاج قليل
3- لا نقوم بشراء كامل الاسمنت والرمل دفعه واحده الا اذا مساحه الموقع سمحت بذلك
4- التلبيش والتربيه ليها سعر اضافي فوق سعر المتر ( معني كلمه تلبيش هو زياده سمك المحاره عن 2 سم وتصل الي 5 سم حتي يكون السطح بالكامل مستوي وموزون ) ويضاف للتلبيش فايبر جلاس
5- تركيب اعواد الفروسبيكو ليه سعر اضافي فوق تكلفه المتر
6- من عيوب الزوايا الفروسبيكو هلي الخبطات القويه يؤدي هذا الي تنميل علي جزء كبير من الزاويه
7- الانتاجيه ومده العمل في الشتاء تختلف عن الصيف
8- المقاسات يتم احتساب الشبابيك الصغيره علي انها مسدوده والكبيره يخصم الربع فقط
9- المحاره المستلمه من قبل الكمبوند او المطور او المحاره القديمه الموجوده بالموقع محاره تجاري جدا يوجد بها العديد من المشاكل تظهر اغلبها مع فنش الدهانات
10-اعلي مواصفه فنيه للمحاره هي تأكيس وتربيع ودي بيكون سعرها اعلي من باقي المواصفات
11-بيتم مد شبك فايبر بين الفواصل لتجنب التشققات
12-كميه الاسمنت دايما بتكون مربوطه بجوده المباني وجوده الرمل المستخدم لو المباني جيده لا يوجد بها تربيات بطبقه المحاره ( معني كلمه تربيه هي زياده سمك طبقه المحاره عن 2 سم ) واذا كان الرمل المستحدم ناعم كميه الاسمنت المستخدمه بتزيد
13- مده بند المحاره بتزيد بالشتاء لان معد جفاف السطح بياخد وقت اطول من الصيف
14-نقوم بمحاره الحمامات والمطبخ ( لان تركيب البورسلين و السيراميك المقاسات الكبيره بيتم تركيبه بماده لصق سيراميك)
15- نقوم بمحاره الحمامات والمطبح قبل البدء بأعمال السباكه وهي طريقه افضل بكثير من عمل البؤج
16- جوده بند الدهانات مرتبط بجوده المحاره